ജനല്‍ പാളികളിലൂടെ ....

ഞാന്‍ എന്‍റെ ജനല്‍ വാതിലുകള്‍
എന്നേ അടച്ചതാണ് ..
അടച്ച പാളികള്‍ക്കപ്പുരം
നിന്‍റെ ശബ്ദം എനിക്കു കേള്‍ക്കാം ...

ചിറകുകള്‍ ,
അടച്ചിട്ട പാളികളില്‍
തല്ലുന്ന ശബ്ദം..
പണ്ടേ ഞാന്‍ പറഞ്ഞതല്ലേ ..
ഈ ജനല്വാതിലുകള്‍ തുറക്കില്ല എന്ന്?

നിനക്കു മുറിവ്‌ പറ്റിയാലും
ഞാന്‍ അറിയില്ല ..
അറിഞ്ഞാലും അറിഞ്ഞതായി നടിക്കില്ല ..
അഥവാ നീ പ്രാണന്‍ വെടിഞ്ഞാലും ..
ഞാന്‍ വെറും കാഴ്ച്ചക്കാരിയെ ആകൂ ...
പണ്ടേ ഞാന്‍ പറഞ്ഞതല്ലേ...
ഈ ജനലവാതിലുകള്‍ തുറക്കില്ല എന്ന്?

ഒരിക്കല്‍ ഈ ജനല്‍ പാളികള്‍
ഞാന്‍ എപ്പോഴും തുറന്നിടുമായിരുന്നു ..
കുളിര്‍കാറ്റും , മഴ നൂലുകളും
നോക്കി നിന്നിരുന്നു ...
ഞാന്‍ പോലും അറിയാതെ
എന്‍റെ സ്വപ്നങ്ങള്‍ക്ക്
ചിറകു മുളച്ചതും അന്നാണ് ..

എന്‍റെ സ്വപ്നങ്ങളെ വാരി പുണരാന്‍
ഈ ജനല്പാളിയിലൂടെ ആണ്
പുലര്‍ വെട്ടവും , നീല നിലാവും
പറന്നിറങ്ങിയത് ..
എന്‍റെ സ്വപ്‌നങ്ങള്‍
കണ്ണും പൂട്ടി ഉറങ്ങുന്നത്
ഞാന്‍ കണ്ടു ആനന്ടിച്ചിരുന്നു ..

പുലര്‍വെട്ടം
കത്തിക്കാളുന്ന വേനലിലേക്കും ,
നീല നിലാവ്
കരാള രാത്രിയിലേക്കും
ഭാവം പകര്‍ന്നപ്പോള്‍ ,
എനിക്കു ഈ ജനല്‍ പാളികള്‍
അടച്ചിടാനെ കഴിഞ്ഞുള്ളൂ ..

എന്‍റെ സ്വപ്‌നങ്ങള്‍ വാടാതെ ,
കരിയാതെ ഇരിക്കാന്‍ ,
മരിച്ചു മരവിച്ചു
പോവാതെ ഇരിക്കാന്‍,
എനിക്കു ഈ ജനല്‍ പാളികള്‍ അടച്ചേ പറ്റൂ ..

അടഞ്ഞ വാതിലിന്‍ ഉള്ളില്‍
എന്‍റെ സ്വപ്നങ്ങളെ മാറോടണച്ചു കൊണ്ട്
ഞാന്‍ ഇവിടെ തന്നെ ഉണ്ട് ..
എനിക്കു കൂട്ടിനു
എന്‍റെ സ്വപ്‌നങ്ങള്‍ എന്ങിലും വേണം...

വീണ്ടും പുലര്‍ കാലം
വരുമെന്ന പ്രതീക്ഷയില്‍ .. വീണ്ടും കുളിര്‍ തെന്നലിന്‍
തലോടലേല്‍ക്കാന്‍ ,
വസന്ത കാലത്തിന്‍ കാലൊച്ച
കാതോര്‍ത്തു കൊണ്ടു....

ജനല്‍ വാതിലുകള്‍ തുറക്കാന്‍
ആരും ശ്രമിക്കരുത്‌ ..
പണ്ടേ ഞാന്‍ പറഞ്ഞിട്ടുണ്ട് ..
ഈ വാതിലുകള്‍ .......

ഒന്ന് ചിരിച്ചു കൂടെ??

**Rrriiiiinnnnggg, rrriiiinnnngg,**

**'Hello?'**

**'Hi honey.**

**This is Daddy.**

**Is Mommy near the phone?'**

**'No, Daddy.**

**She's upstairs in the bedroom with Uncle Paul.'**

**After a brief pause,**

**Daddy says,**

**'But honey, you haven't got an Uncle Paul.'**

**'Oh yes I do, and he's upstairs in the room with Mommy,**

**Right now..'*

*Brief Pause.**

'Uh, okay then, this is what I want you to do.**

**Put the phone down on the table, run upstairs**

**And knock on the bedroom door and shout to Mommy**

**That Daddy's car just pulled into the driveway.'**

**'Okay, Daddy, Just a minute.'**

**A few minutes later**

**The little girl comes back to the phone.**

**'I did it, Daddy.'**

**'And what happened, honey?' *

*'Well, Mommy got all scared, jumped out of bed with no clothes on and ran around screaming.**

**Then she tripped over the rug, hit her head on the dresser**

**And now she isn't moving at all!'**

**'Oh my God!!! What about your Uncle Paul?'**

**'He jumped out of the bed with no clothes on, too.**

**He was all scared and he jumped out of the back window**

**And into the swimming pool.**

**But I guess he didn't know that you took out the water**

**Last week to clean it.**

**He hit the bottom of the pool and I think he's dead.'****


***Long Pause*****

*****Longer Pause*****

*****Even Longer Pause****

***Then Daddy says,**

**'Swimming pool? ...........**

**Is this 486-5731?'*

**No, I think you have the wrong number........*


കടപ്പാട്‌: ഇന്റര്‍നെറ്റ്‌

ഈസ്റ്റര്‍ എഗ്ഗ്

ഇത്തവണ എന്റെ ജോലി തിരക്ക് കാരണം ഈസ്റെര്നു നാട്ടില്‍ പോവണ്ട എന്ന് വെച്ചു . ഇവിടെ വീട്ടില്‍ തന്നെ കൂടി കളയാം എന്ന് തീരുമാനിച്ചു . ഭര്‍ത്താവിന്റെ അനിയന്റെ ഭാര്യ സ്കൂള്‍ ടീച്ചര്‍ ആണ് . അവളുടെ കുട്ടികള്‍ ഇവിടെ എറണാകുളത്താണ് പഠിക്കുന്നത് . അത് കൊണ്ട് അവള്‍ അവധിക്കു കുട്ടികളുടെ കൂടെ നില്ക്കാന്‍ വന്നിരുന്നു . ഈസ്റ്ററിനു ഞങ്ങള്‍ അവളെയും കുട്ടികളെയും വീട്ടിലേക്കു ക്ഷണിച്ചു .

അവര്‍ പെസഹ വ്യാഴാഴ്ച എത്തി . അവള്‍ വന്നത് കാരണം എനിക്ക് അപ്പം ഉണ്ടാക്കാന്‍ ആളെ കിട്ടി . അല്ലെങ്ങില്‍ സാധാരണ ഞാന്‍ പെസഹയുടെ അന്ന് അതി രാവിലെ എണീറ്റ്‌ അപ്പം ഉണ്ടാക്കി വെച്ചിട്ട് ഓഫീസില്‍ പോവും . വൈകിട്ട് വന്നിട്ട് പാല് കച്ചുകയാണ് പതിവ് . RH ആണ് അന്ന്. വേണമെങ്ങില്‍ ലീവ് എടുക്കാം . പക്ഷെ ക്ലോസിംഗ് ന്റെ തിരക്ക് കാരണം ഒരിക്കലും പെസചക്ക് വീട്ടില്‍ നില്ക്കാന്‍ പറ്റില്ല . കഴിഞ്ഞ വര്ഷം മാത്രം ഈസ്റ്റര്‍ മാര്‍ച്ചില്‍ വന്നു . അന്ന് സമാധാനത്തോടെ ഈസ്റ്റര്‍ ആഘോഷിക്കാന്‍ പറ്റി .

ഈസ്റെരിന്റെ അന്ന് ഞങ്ങള്‍ 'ഈസ്റ്റര്‍ എഗ്ഗ്' മേടിച്ചു . കൊറേ നാളായി കുട്ടികള്‍ പറയുന്നു ഇത് വാങ്ങണം എന്ന്. എന്താണ് സാധനം എന്ന് ആര്‍ക്കും അറിയില്ല . എങ്കില്‍ ഇത്തവണ വാങ്ങാം എന്ന് കരുതി . പണ്ടൊക്കെ ഈസ്റ്റര്‍ എഗ്ഗ് എന്ന് പറഞ്ഞിരുന്നത് മുട്ടയുടെ തോടില്‍ ചായം തേച്ചു കുട്ടികള്‍ ഉണ്ടാക്കുന്ന മുട്ടകള്‍ക്കയിരുന്നു . അതില്‍ ചിലപ്പോ മെഴുക് നിറച്ചു കുത്തി നിര്‍ത്തും . ഈയിടെയായി ന്യൂസ്‌ പേപ്പര്‍ ഇലും ഒക്കെ ധാരാളം പരസ്യങ്ങള്‍ കാണുന്നുണ്ട് ഈസ്റ്റര്‍ എഗ്ഗ് നെ കുറിച്ച് .ബേക്കറി യില്‍ പോയി 170 രൂപ കൊടുത്ത് ഒരു എഗ്ഗ് വാങ്ങി .

ഈസ്റെറിന്റെ അന്ന് രാവിലെ എല്ലാരും കൂടെ പള്ളിയില്‍ പോയി വന്നു കഴിഞ്ഞു breakfast കഴിക്കാന്‍ ഇരുന്നപ്പോള്‍ ഈസ്റ്റര്‍ എഗ്ഗ് പൊട്ടിച്ചു . (പടം മുകളില്‍ ) അകത്ത്‌ എന്താണെന്നു അറിയാന്‍ എല്ലാര്ക്കും കൌതുകം . ഞാന്‍ വിചാരിച്ചത്‌ അത് നിറയെ തിന്നാന്‍ ഉള്ള മിട്ടായിയോ വലതും ആകുമെന്നാണ് . മുട്ട തോട് നല്ല കട്ടിയുള്ള icing കേക്ക് കൊണ്ടാണ് ഉണ്ടാക്കിയിരുന്നത് . തുറന്നപ്പോ അതിനകത്ത്‌ , പെന്‍ , റബ്ബര്‍ , കട്ടര്‍ , നാലഞ്ചു chocolates , ബോള്‍ , കളിപ്പാട്ടം , ഒരു ഹി -മാന്‍ , അങ്ങനെ കുറച്ച് സാധനങ്ങള്‍ കുത്തി നിറച്ചിരിക്കുന്നു !!

വയറു നിറയെ തിന്നാന്‍ പോലും ഇല്ല . പിന്നെ കുട്ടികള്‍ ഉണ്ടായിരുന്നത് കൊണ്ട് അവര് ഓരോ സാധനങ്ങള്‍ കൈക്കലാക്കി . ഞങ്ങള്‍ മുതിര്‍ന്നവര്‍ നിരാശരായി . പിന്നെ വൈകിട്ട് വരെ എല്ലാരും കൂടെ മുട്ടയുടെ തോട് തിന്നു കൊണ്ടിരുന്നു . ഒന്നുമല്ലേലും 170 രൂപ കൊടുത്തത്‌ അല്ലെ ?

എന്തായാലും ഇനി ഒരിക്കലും ഈ സാധനം എന്താണെന്നറിയില്ല എന്ന് പറയില്ലല്ലോ . തന്നെയുമല്ല ഇനി ഒരിക്കലും ഇനി ഇത് മേടിക്കാന്‍ മക്കള്‍ പറയുകയും ഇല്ല. അങ്ങനെ ഇത്തവണത്തെ ഈസ്റ്റര്‍ മുട്ട പൊട്ടിച്ചു ആഘോഷിച്ച ഒരു ഈസ്റ്റര്‍ ആയിരുന്നു . മറ്റാര്‍ക്കും കളിപ്പ് പറ്റാതിരിക്കാന്‍ ഇത് ഇവിടെ പങ്കു വെയ്ക്കുന്നു ..

വിഷു ആശംസകള്‍!!

"ഏതു ദൂസര സന്കല്പത്തില്‍ വളര്‍ന്നാലും

ഏതു യന്ത്രവല്‍കൃത ലോകത്തില്‍ പുലര്‍ന്നാലും

മനസ്സിലുണ്ടാവട്ടെ ഗ്രാമത്തിന്‍ വിശുദ്ധിയും

മണവും മമതയും ഇത്തിരി കൊന്നപ്പൂവും.."

-വൈലൊപ്പിള്ളി

എന്റെ എല്ലാ കൂട്ടുകാര്‍ക്കും വിഷു ആശംസകള്‍

ഏപ്രില്‍

വീണ്ടും ഒരു ഏപ്രില്‍ ഒന്നാം തീയതി വന്നു. പണ്ട് പണ്ട് നടന്ന ഒരു ചെറിയ സംഭവം ഇവിടെ പങ്കുവെയ്ക്കട്ടെ .

ഞാന്‍ 9th സ്ററാന്ടേര്‍്ടില് പഠിക്കുന്നു . ആ വര്‍ഷം ഞങ്ങള്‍ക്ക് ഏപ്രില്‍ ഒന്നാം തീയതി ഒരു എക്സാം കൂടെ ഉണ്ടായിരുന്നു . രാവിലെ ക്ലാസ്സിലേക്ക് വരുമ്പോ കണ്ടത് എന്‍റെ ക്ലോസ് കൂട്ടുകാരായ പ്രേമി , കുമാരി , മറിയം ഇവര്‍ മൂന്നു പേരും കൂടി എന്തോ അടക്കം പറഞു ചിരിക്കുന്നു

.അവരുടെ മുന്‍പില്‍ ഒരു നോട്ട് ബുക്ക് തുറന്നു വെച്ചിട്ടുണ്ട് . ഞാന്‍ വരുന്നത് കണ്ടതും അവര്‍ ബുക്ക് അടച്ചു വെച്ചു. .എന്താണെന്നു അറിയാനുള്ള ആകാംഷയോടെ ഞാന്‍ അടുത്ത് ചെന്ന് . അപ്പോള്‍ അവര്‍ എന്നെ കാണിക്കാതെ ആ ബുക്കില്‍ എന്തോ എഴുതിയത് കൈ കൊണ്ട് മറച്ചു പിടിച്ചു .

എനിക്ക് ജിജ്ഞാസ അടക്കാന്‍ പറ്റിയില്ല . എന്താണെന്നു ചോദിച്ചിട്ട് അവര്‍ കാണിച്ചും തരുന്നില്ല . എനിക്ക് വാശിയായി . ബലം പിടിച്ചു തുറക്കാന്‍ ശ്രമിച്ചു . രക്ഷയില്ല .കൈ തുറന്നു തരുന്നില്ല. എനിക്ക് സങ്ങടം വന്നു. ഒരു കാര്യവും ഞങ്ങള്‍ പരസ്പരം പറയാതെ ഇരുന്നിട്ടില്ല . അപ്പൊ എന്നെ കൂടാതെ അവര്‍ക്ക് മൂന്നു പേര്‍ക്കും എന്തോ രഹസ്യം ഉണ്ട് എന്ന് വിചാരിച്ചപ്പോള്‍ എനിക്ക് സഹിക്കാനെ കഴിഞ്ഞില്ല .പണ്ടേ ഞാന്‍ എന്‍റെ കൂട്ടുകാരുടെ കാര്യത്തില്‍ possessive ആണ്. ഇപ്പോഴും ആ കാര്യത്തില്‍ ഞാന്‍ മോശക്കാരി അല്ല.:-)

വാശിയും ദേഷ്യവും കാരണം , ശരി എന്നാല്‍ എനിക്ക് കാണേണ്ട എന്ന ചിന്ത യില്‍ ഞാന്‍ മുഖം വീര്‍പ്പിച്ചു മൂന്നു പേരോടും പിണങ്ങി മാറി ഇരുന്നു .അപ്പോ അവര്‍ എന്നെ വിളിച്ചു ..എന്നാ താനും കൂടി ഇത് കണ്ടോളൂ എന്ന് പറഞ്ഞു.

ഞാന്‍ ചെന്നു. എന്നിട്ടോ കാണാന്‍ ശ്രമിച്ചപ്പോ അവര്‍ പിന്നെയും അത് മറച്ചു പിടിച്ചു.ഞാന്‍ വാശിയോടെ കൈ പിടിച്ചു മാറ്റി . നോക്കിയപ്പോ അതില്‍ വെണ്ടയ്ക്ക അക്ഷരത്തില്‍ APRIL FOOL എന്ന് എഴുതിയിരിക്കുന്നു . ഒരു നിമിഷത്തേക്ക് സങ്കടവും ദേഷ്യവും പമ്പ കടന്നു . ഓ , ഇനി പറഞ്ഞിട്ട് കര്യമില്ലെല്ലോ . എല്ലാവരും കൂടെ കൂട്ടച്ചിരി . എനിക്കും ഒരു ചമ്മിയ ചിരി ചിരിക്കേണ്ടി വന്നു.

അതിനു ശേഷം എത്രയോ ഏപ്രില്‍ ഒന്ന് കടന്നു പോയിരിക്കുന്നു . പലരെയും പറ്റിച്ചും , തിരികെ പറ്റിക്കപ്പെട്ടും ..പക്ഷെ ഒരിക്കലും മറക്കാതെ കിടക്കുന്നു . ഈ ഏപ്രില്‍ ഫൂള്‍ ന്റെ ഓര്‍മ്മകള്‍.അന്നത്തെ ആ കൂട്ടുകാര്‍ ഇന്ന് എവിടെയോ എന്തോ. ഇത്രയും നന്നായി എന്‍റെ സ്വഭാവം മനസ്സിലാക്കി ആ രീതിയില്‍ കൂടി എന്നെ പറ്റിച്ച എന്‍റെ പ്രിയപ്പെട്ടവര്‍ . ഇന്നും ഒരു ചെറിയ ചിരിയോടെയെ ഈ സംഭവം എനിക്ക് ഓര്‍ക്കാന്‍ പറ്റുന്നുള്ളൂ . വിഡ്ഡിയായെ പറ്റൂ എന്ന വാശിയോടെ വിഡ്ഢിയായ ദിവസം ...

വേനല്‍

വേനല്‍ ചൂട് കത്തിയെരിയുന്നു . രണ്ടു നേരവും കുളിച്ചാലും ചൂടിനു ഒരു ശമനവും ഇല്ലാത്ത അവസ്ഥ . മക്കള്‍ക്ക്‌ പരീക്ഷ ചൂട്. എനിക്ക് ഓഫീസിലെ കണക്കെടുപ്പിന്റെ ചൂട്.

സൌഹൃദങ്ങളുടെ ഇത്തിരി തണുപ്പ് പോലും ആസ്വദിക്കാന്‍ സമയം കണ്ടെത്താന്‍ പറ്റുന്നില്ല . ആകെപ്പാടെ തിരക്ക്. ബസ്സിലിരുന്നു വായിക്കാന്‍ വെക്കുന്ന ബുക്കുകള്‍ക്ക് പകരം ഈ വര്‍ഷത്തെ 'accounting instructions' സ്ഥാനം പിടിച്ചു . ഇനി ഏപ്രില്‍ പകുതി വരെ സ്വപ്ന ലോകങ്ങള്‍ക്കു വിട പറഞ്ഞേ പറ്റൂ .

അതിനിടക്ക് ഇലക്ഷന്‍ ന്റെ ചൂട്. ഇലക്ഷന്‍ ഡ്യൂട്ടി ക്ക് പോകേണ്ടി വരുമോ എന്ന ഭയവും ഉണ്ട് . ലിസ്റ്റ് കൊടുത്തപ്പോള്‍ എന്‍റെ പേര് വെക്കണ്ട എന്ന് പറഞ്ഞു നോക്കി . അപ്പൊ പറ്റില്ല പോലും. കാരണം ഡിവിഷന്‍ trial ബാലന്‍സ് ഏപ്രില്‍ 10 നാണു കൊടുക്കേണ്ടത് .ഇനിയുള്ള ദിവസങ്ങളില്‍ ശനിയും ഞായറും ഇല്ല, ഗുഡ് ഫ്രൈഡേ യും , വിഷു വും ഇല്ല. അങ്ങനെ കുത്തിയിരുന്ന് പണിയെടുക്കുമ്പോ ഇലക്ഷന്‍ ഡ്യൂട്ടി ക്ക് കൂടി രണ്ടു മൂന്നു ദിവസം പോകേണ്ടി വരുമ്പോ കേമം ആവും .

മറ്റു 18 ഡിവിഷന്‍ കളില്‍ ഒന്നൊഴികെ ആണ്സിംഹങ്ങള്‍ ആണ് അക്കൌന്ട്സ് ഭരിക്കുന്നത് . ആകെ സ്ത്രീ ജനം ഞാനും മറ്റൊരു സ്ത്രീയും മാത്രം.. ഇപ്പോഴാണ്‌ സ്ത്രീയായി ജനിച്ചതില്‍ സന്ങടം വരുന്നത് . രാത്രി ലേറ്റ് ആയിട്ട് ഇരിക്കാനും ഇതു പാതിരാത്രിക്കും കൂടനന്ഞാലും , ഇല്ലെങ്ങിലും ആണുങ്ങള്‍ക്ക് പ്രശ്നം ഇല്ലെല്ലോ ? എന്നും 7 മണിക്ക് വീടെത്തുന്ന എനിക്ക് 7.30 വരെയേ സമയം നീട്ടി തന്നിട്ടുള്ളൂ , വീട്ടിലെ സിംഹം . ഒന്ന് പറഞ്ഞാല്‍ ശരിയുമാണ് അതിനു ശേഷം കൊച്ചി നഗരത്തില്‍ കൂടെ രാത്രി യാത്ര കഠിനം തന്നെ. അപ്പൊ പിന്നെ പകല്‍ ചൂടും സഹിച്ചിരുന്നു തല ചൂടാക്കുകയെ നിവൃത്തിയുള്ളൂ . ശനിയും, ഞായറും, ഗുഡ് ഫ്രൈഡേ യും ,ഈസ്റെറും , വിഷു വും അറിഞ്ഞില്ല കണ്ടില്ല കേട്ടില്ല എന്ന് നടിക്കാനേ പറ്റൂ.

ഇതിനിടക്ക്‌ വീട്ടില്‍ ആര്‍ക്കും അസുഖം വരാതിരുന്നാല്‍ മതി എന്ന പ്രാര്‍ത്ഥനയെ ഉള്ളു . അച്ഛന് വന്നാലും , മക്കള്‍ക്ക്‌ വന്നാലും അമ്മ ലീവ് എടുതല്ലേ പറ്റു ? അങ്ങനെ ഏറ്റവും അധികം ടെന്‍ഷന്‍ അടിക്കുന്ന ഒരു മാസം മുന്നില്‍ അങ്ങനെ നീണ്ടു നിവര്‍ന്നു കിടക്കുന്നു .

ഇതൊക്കെ എന്‍റെ തല്‍ക്കാലത്തെ കുരിശുകള്‍ മാത്രം. ഈ വേനലും മാറി പോവുമല്ലോ . എല്ലാ ചൂടുകളെയും തണുപ്പിക്കാന്‍ ഒരു മഴ പെയ്യാതെ ഇരിക്കില്ല . മഴക്ക് വേണ്ടി കാത്തു കൊണ്ട്.....

മിറക്കിള്‍

എന്റെ ഭര്‍ത്താവിന്റെ അനുജന്‍ മിസോറാമില്‍ C.I ആണ്. അവന്‍ ആണ്ടില്‍ ഒരിക്കല്‍ നാട്ടില്‍ വരും. വന്നാല്‍ ഒരു രണ്ടു മാസം കഴിഞ്ഞേ പോവുകയുള്ളു. അവന്‍ നാട്ടില്‍ വരുമ്പോ ഞങ്ങള്‍ എല്ലാരും ഒത്തു കൂടാറുണ്ട്. ഇത്തവണ അവന്‍ തിരിച്ചു പോകുന്നതിനു മുന്നേ രണ്ടു ദിവസം ഇവിടെ ഞങ്ങളുടെ കൂടെ ഉണ്ടായിരുന്നു.

എന്റെ ഭര്‍ത്താവിന് കൃഷിയില്‍ താല്പര്യം ഉള്ള കൂട്ടത്തില്‍ ആണ്. എനിക്ക് പൂക്കള്‍ ഒക്കെ വിടര്‍ന്നു നില്‍ക്കുന്നത് കാണാന്‍ മാത്രേ ഇഷ്ടം ഉള്ളു. മണ്ണില്‍ കൈ കൊണ്ട് തൊടാന്‍ മടി ആണ്! പുള്ളി അടുക്കള മുറ്റത്ത് ഒരു പപ്പായ തൈ വെച്ചു. നല്ല മുട്ടന്‍ പപ്പായ മരം ആയിട്ട് അതങ്ങനെ നിന്നു. ആ .നില്‍പ്പ് മാത്രമേ ഉള്ളു. ഉണ്ടാവുന്ന പൂ മുഴുവന്‍ താഴെ വീണു പോവുന്നു. കായ ഒന്നും പിടിക്കുന്നില്ല. ഇപ്പൊ ഒരു തെങ്ങിന്റെ അത്രയും പൊക്കം വെച്ചു അതിനു. കാണാന്‍ ഉള്ള ഭംഗി മാത്രം.

അപ്പോഴാണ് അനിയന്റെ വരവ് . അവന്‍ പപ്പായ കണ്ടിട് പറഞ്ഞു .'ഇതെന്താടാ..ഇങ്ങനെ നില്‍ക്കുന്നത്?' അവര്‍ ചേട്ടനും അനിയനും എടാ പോടാ എന്നാണ് വിളിക്കുന്നത്.'നിനക്ക് ഇവനെ തുണി ഉടുപ്പിക്കാന്‍ പാടില്ലായിരുന്നോ?' അത് കേട്ട ഉടന്‍ ഞങ്ങള്‍ എല്ലാരും ആര്‍ത്തു ചിരിച്ചു. എന്റെ കുട്ടികള്‍ക്ക് ചിരി അടക്കാന്‍ വയ്യ. അവന്‍ പറഞ്ഞു നിങ്ങള്‍ അങ്ങനെ കളിയാക്കി ചിരിക്കണ്ട. അവിടെ (മിസോ) ഉള്ളവര്‍ പപ്പായ ഇങ്ങനെ കായ്ക്കാതെ നിന്നാല്‍ അത് ആണ്‍ പപ്പായ ആയതു കൊണ്ടാ. അപ്പൊ അതിനെ മുണ്ട് ഉടുപ്പിക്കും എന്ന്. അവന്‍ പറഞ്ഞതിനെ ഞങ്ങള്‍ ഒട്ടും കാര്യം ആക്കിയില്ല. അങ്ങനെ ആണെങ്ങില്‍ പെണ്ണ് ആണെങ്ങില്‍ നീ പാവാട ഉടുപ്പിക്കുമോ എന്ന് അവനോടു തിരിച്ചു ചോദിച്ചു അവനെ കൊറേ കളിയാക്കി. അവന്‍ തിരിച്ചും പോയി.

മൂന്നു ആഴ്ച മുന്നേ ഒരു ദിവസം അടുക്കള മുറ്റത്ത് ഇറങ്ങിയപ്പോ ഭര്‍ത്താവ്‌ പറഞ്ഞു. നമുക്ക് ഇത് വെട്ടി കളഞ്ഞാലോ എന്ന്. ഞാന്‍ പറഞ്ഞു..അത് അവിടെ നില്‍ക്കട്ടെ. എന്തെങ്ങിലും നടാന്‍ സ്ഥലം ഇല്ലാതെ ആവുമ്പോ നമുക്ക് വെട്ടാം എന്ന്. എന്നിട്ടോ, പുള്ളി എന്ത് ചെയ്തു..ഏതായാലും അവന്‍ പറഞ്ഞതല്ലേ, നമുക്ക് ഇവനെ തുണി ഉടുപ്പിക്കാം എന്ന്.എന്നിട്ട് പുള്ളി തന്നെ ഒരു ചെറിയ തുണി കഷണം എടുത്തു പപ്പയയെ ചുറ്റി മുണ്ട് ഉടുപ്പിക്കുന്നതു പോലെ കെട്ടി വെച്ചു. ഞങ്ങള്‍ രണ്ടു പേരും ഒട്ടും വിശ്വാസം ഇല്ലാതെ ആണ് അങ്ങനെ ചെയ്തത്. ഇതിനെ പറ്റി മറക്കുകയും ചെയ്തു.

കഴിഞ്ഞ ആഴ്ച ഓഫീസില്‍ പോവാനുള്ള തിരക്കില്‍ ഞങ്ങള്‍ രണ്ടു പേരും ഡ്രസ്സ് മാറാന്‍ മുകളിലെ ബെഡ് റൂമിലേക്ക്‌ പോയി. തേക്കാന്‍ വേണ്ടി പോയ ഹസ്ബണ്ടിന്റെ സന്തോഷത്തോടെ ഉള്ള വിളി കേട്ടാണ് ഞാന്‍ ഓടി എത്തിയത്. പപ്പായയുടെ പൊക്കം കാരണം മുകളിലെ ഹോളില്‍ ‍ നിന്നാല്‍ അവന്റെ മണ്ട ശരിക്കും കാണാം. ഞങ്ങളെ രണ്ടു പേരെയും അത്ഭുതപ്പെടുത്തി കൊണ്ട് ആ പപ്പായ കായിചിരിക്കുന്നു ..മൂന്നു പപ്പായ കുഞ്ഞുങ്ങള്‍!!!

ഈശ്വരാ..ഞങ്ങള്‍ അതിനെ വെട്ടാന്‍ തീരുമാനിച്ചതാണ്. ഉടനെ തന്നെ മക്കളെ വിളിച്ചു കാണിച്ചു. അവര്‍ക്കും സന്തോഷം.ഇളയപ്പന്‍ പറഞ്ഞത് പപ്പായ കേട്ടല്ലോ എന്ന് മോന്‍. ഉടനെ തന്നെ അവര്‍ മിസോരമിലേക്ക് ഫോണ്‍ ചെയ്യാന്‍ ഓടി. ഇങ്ങനെ ഒരു കാര്യം നേരില്‍ കണ്ടില്ലെങ്ങില്‍ ഞങ്ങള്‍ ആരും വിശ്വസിക്കുക ഇല്ലായിരുന്നു. പക്ഷെ ഇത് അങ്ങനെ തന്നെ സംഭവിച്ചു. തുണി ഉടുപ്പിച്ചപ്പോ പപ്പയക്ക്‌ നാണം വന്നിട്ടോ എന്തോ.

ഒരു വിശദീകരണം തരാന്‍ സാധിക്കാത്ത ഇങ്ങനത്തെ ഒരു പാട് കാര്യങ്ങള്‍ നമുക്ക് ചുറ്റും നടക്കുന്നുണ്ട്. ഞാന്‍ ഓഫീസില്‍ ചെന്ന് പറഞ്ഞപ്പോ അവരില്‍ ഒരാള്‍ പറഞ്ഞു. ഇങ്ങനെ ഒക്കെ ചിലത് സംഭവിക്കാറുണ്ട്. മുരിങ്ങ മരം കായിക്കതപ്പോ അതേല്‍ ചെരുപ്പ് കെട്ടി തൂക്കി ഇട്ടു കൊടുത്താല്‍ മതി എന്ന്. എന്തായാലും ഞാന്‍ ഇത് വരെ അത് പരീക്ഷിച്ചു നോക്കിയിട്ടില്ല. പക്ഷെ പപ്പായ പണി പറ്റിച്ചു. ഇപ്പൊ എല്ലാരും അത് ഒന്ന് മൂത്ത് പഴുക്കാന്‍ കാത്തിരിക്കയാണ്! അത്ഭുത പപ്പായ അല്ലെ? :)