ഒരു അക്കവ്ണ്ട്സ് മീറ്റിംഗ്. സ്ഥലം കോട്ടയത്തിനടുത്ത് കുട്ടിക്കാനം എന്ന പ്രകൃതി രമണീയമായ സ്ഥലം . എല്ലാ quarter കഴിയുമ്പോഴും അക്കവ്ണ്ട്സ് മീറ്റിംഗ് ഉണ്ടെങ്കിലും വര്‍ഷത്തിലെ ആദ്യത്തെ മീറ്റിംഗ് എപ്പോഴും പുറത്തു എവിടെ എങ്കിലും വെച്ചാണ് നടത്തുന്നത് . പോയ വര്‍ഷത്തെ ട്രയല്‍ ബാലന്‍സ് സമയത്തിന് കൊടുത്തതിന്റെ ഒക്കെ ഒരു appreciation മീറ്റിംഗ് ആയിരിക്കും ഇത് .
3 ദിവസത്തെ മീറ്റിംഗ് ആണ് . ഞങ്ങള്‍ ഏതാണ്ട് 30 പേര് ഉണ്ട് . കമ്പനിയുടെ കേരളത്തിലെ 19 ഡിവിഷന്‍ ഓഫീസില്‍ നിന്നും ഉള്ള ആളുകള്‍ ആണ് വന്നിരിക്കുന്നത് . എന്റെ കൂടെ ഞങ്ങളുടെ കാഷ്യെര്‍ നെ ഞാന്‍ കൊണ്ട് പോയിരുന്നു .ഒഫീഷ്യല്‍ വര്‍ക്ക്‌ ഞങ്ങള്‍ രണ്ടു ദിവസം കൊണ്ട് തീര്‍ത്തു . രണ്ടാം ദിവസം രാത്രി ഒരു ഗെറ്റ് ടു ഗെതെര്‍ ഉണ്ടായിരുന്നു .
എല്ലാവരോടും രാത്രി ഡിന്നര്‍നു മുന്‍പ് recreation ഹാളില്‍ എത്താന്‍ പറഞ്ഞു . ഇതിനു മുന്‍പും ഞാന്‍ പുറത്തുള്ള മീറ്റിംഗ് അറ്റന്‍ഡ് ചെയ്തിട്ടുണ്ട് . കുമളിയിലും നെല്ലിയാംപതിയിലും ഒക്കെ വെച്ച് മീടിങ്ങ്സ് നടത്തിയിട്ടുണ്ട് . ഞങ്ങള്‍ സ്ത്രീകള്‍ 8 പേര് ഉണ്ട് . മറ്റു ജനങ്ങള്‍ എല്ലാം തന്നെ പുരുഷ പ്രജകള്‍ . എല്ലാവരും തന്നെ 35-40 വയസ്സിനുള്ളില്‍ പ്രായം .
ചീഫ് റീജിയണല്‍ മാനേജര്‍ വന്നിരുന്നു . എല്ലാവരോടും എന്തെങ്കിലും അറിയാവുന്നത് പെര്‍ഫോം ചെയ്യാന്‍ പറഞ്ഞു . ചിലര്‍ പാടി , ഡാന്‍സ് ചെയ്തവരും ഉണ്ട് . കുറച്ചു കഴിഞ്ഞപ്പോള്‍ ചീഫ് പറഞ്ഞു , പുള്ളിക്കാരന്‍ ഒരു പാട്ട് പാടാം . അത് കേട്ട് ചിരി വരുന്നവര്‍ ചിരിച്ചോളൂ , പക്ഷെ എന്നാലും പാട്ട് നിര്‍ത്തുമെന്ന് കരുതണ്ട എന്ന് മുന്നറിയിപ്പ് തന്നു . ചീഫ് മലയാളി ആണ് . സാധാരണ ഞങ്ങള്‍ക്ക് ചീഫ് ആയിട്ട് മലയാളികള്‍ വരാറില്ല .
എല്ലാവരും പാട്ട് കേള്‍ക്കാനുള്ള ആകാംഷയോടെ ഇരുന്നു . സ്വതവേ ഗൌരവക്കാരനായ ചീഫ് പാടി തുടങ്ങി ..''ഓമലാളെ കണ്ടു ഞാന്‍ ...” ചിരി അടക്കി പിടിച്ചിട്ടും പൊട്ടി പോയി . നോക്കുമ്പോള്‍ ചിരിക്കാത്തവര്‍ ആരും ഇല്ല . എന്നാലും സര്‍ നിറുത്താന്‍ ഉള്ള ഭാവമില്ല . മുഴുവന്‍ പാടി തീര്‍ത്തിട്ടെ നിറുത്തിയുള്ളൂ .
ഒരു 9.30 മണിയോടെ ആണ് ഞങ്ങള്‍ തീരെ പ്രതീക്ഷിക്കാതെ ഇരുന്ന ഒരു സംഭവം നടന്നത് . കമ്പനിയുടെ വകയായിട്ട് എല്ലാര്ക്കും ഡ്രിങ്ക്സ് വിളംബാന്‍ തുടങ്ങി . Ladies നു ഓറഞ്ച് ജൂസും . ഡ്രിങ്ക്സ് വേണ്ടവര്‍ക്ക് അതും ആകാം . പക്ഷെ , ഞങ്ങള്‍ അവരുടെ കൂടെ ഇരുന്നേ മതിയാകൂ , രണ്ടു റൌണ്ട്സ് അവര്‍ എടുക്കുന്നത് വരെ , അതിനു ശേഷം ഞങ്ങള്‍ക്ക് ഡിന്നര്‍ കഴിക്കാന്‍ പോവാമെന്നു !! മറ്റുള്ളവര്‍ക്ക് തുടരാം .
ഞങ്ങളുടെ കൂട്ടത്തില്‍ ഒരു മുസ്ലിം ലേഡി ഉണ്ടായിരുന്നു . കണ്ണൂര്കാരി ആണ് . പുള്ളി വളരെ ഓര്‍ത്തഡോക്‍സ്‌ ആണ് . പര്‍ദ്ദ ആണ് ധരിക്കുന്നത് . എല്ലാവരും ചുറ്റിലും ഇരുന്നു ഡ്രിങ്ക്സ് കഴിക്കുന്നത് കണ്ടപ്പോള്‍ ആളുടെ മുഖം വിവര്‍ണമായി . ഡ്രിങ്ക്സ് ഒരു റൌണ്ട് കഴിഞ്ഞപ്പോള്‍ തന്നെ , ചിലരുടെ പാട്ടിന്റെ രീതിയൊക്കെ മാറി . ഒരാളോട് പാടാന്‍ പറഞ്ഞാല്‍ രണ്ടു പേര് പാടും എന്നായി .
അവര്‍ രണ്ടു റൌണ്ട്സ് കഴിഞ്ഞപ്പോള്‍ ഞങ്ങള്‍ക്ക് രെസ്ടുരന്റിലേക്ക് പോവാന്‍ അനുമതി കിട്ടി . അല്ലെങ്കില്‍ മര്യാദ കേടാണ്ത്രെ . എന്തായാലും കമ്പനിയുടെ പുതിയ ഈ പരിഷ്ക്കാരം നമുക്ക് വേണ്ടായിരുന്നു എന്ന ഒരു അഭിപ്രായമായിരുന്നു സ്ത്രീകളുടെ ഇടയില്‍ . കാരണം , അപ്രിയകരമായ ഒരു അന്തരീക്ഷം ഒഴിവാക്കാമായിരുന്നു , അല്ലെങ്കില്‍ ഇതിനെ കുറിച്ച് നേരത്തെ തന്നെ ഒരു ഹിന്റ് തന്നിരുന്നെങ്കില്‍ , വളരെ sensitive ആയ ladies നു എങ്കിലും ഒഴിഞ്ഞു നില്ക്കാമായിരുന്നു .ഭക്ഷണം കഴിഞ്ഞ ഉടന്‍ സ്ത്രീകള്‍ ആരും തന്നെ ആ പരിസരത്ത് നിന്നില്ല , പാതിരാവായെന്നു കേട്ടു തലേ ദിവസത്തെ സദസ്സ് പിരിഞ്ഞപ്പോള്‍ .
തിരിച്ചു വന്നു കഴിഞ്ഞിട്ട് ഉള്ള സത്യം പറയാലോ , ഞാന്‍ ഈ കാര്യം മാത്രം വീട്ടില്‍ പറഞ്ഞില്ല . ഒന്നും തന്നെ സംഭവിച്ചില്ലെങ്കിലും , ഇനിയും മീടിങ്ങുകള്‍ അറ്റന്‍ഡ് ചെയ്യേണ്ടതുണ്ട് . ഈ കാര്യം അറിഞ്ഞാല്‍ വീട്ടില്‍ നിന്നും വിടാന്‍ ഒരു ചെറിയ മടി ഉണ്ടാകും . വെറുതെ എന്തിനു വീട്ടില്‍ ഇരിക്കുന്നവരുടെ സമാധാനം കെടുത്തണം ?
നമുക്ക് ഈ സംസ്കാരം വേണോ ? ഡ്രിങ്ക്സ് കഴിക്കണം എന്നുള്ളവര്‍ക്ക് റൂമിലെ സ്വകാര്യതയില്‍ ഇരുന്നു അതാകാമല്ലോ . എന്തിനു ചുമ്മാ സ്ത്രീകള്‍ കൂട്ടിരിക്കണം എന്ന ഒരു പുതിയ രീതി . ഒരു പക്ഷെ , മനസ്സ് കൊണ്ട് ഒത്തിരി പുരോഗമനം ഇല്ലാത്തതു കൊണ്ടാവാം ഞാന്‍ ഇങ്ങനെ ചിന്തിക്കുന്നത് . ഒരു പബ്ലിക്‌ സെക്ടര്‍ കമ്പനിയുടെ കേരള റീജിയണല്‍ ഓഫീസ് കണ്ട്ട്ട് ചെയ്ത ഒഫീഷ്യല്‍ മീറ്റിംഗില്‍ നടന്ന സംഭവമാണ് ഞാന്‍ പറഞ്ഞത് . നോര്‍ത്ത് ഇന്ത്യയില്‍ ഈ കൂടെ ഇവരോടൊപ്പം ഡ്രിങ്ക്സ് കഴിക്കുന്ന സ്ത്രീകള്‍ ഉണ്ടത്രേ !
നിങ്ങള്‍ക്കെന്താ തോന്നുന്നത് ? നമുക്കിത് വേണോ ? ഇങ്ങനെ ഒരു സംസ്കാരം create ചെയ്യേണ്ട ആവശ്യം ഉണ്ടോ ? ഉണ്ടെങ്കില്‍ തന്നെ അതെന്തിന് ? എന്ത് നേടാന്‍ ?അഭിപ്രായം എന്തായാലും പറയുക . എനിക്ക് തെറ്റിയതാനെന്കിലോ ?
39 comments:
വേന്ഡ എന്നാണു എന്റെ അഭിപ്രായം . മീറ്റിങ്ങുകളില്‍ ഓഫീസു കാര്യം കഴിഞ്ഞാല്‍ പിന്നെ നമ്മുടെ വ്യക്തി സ്വാതന്ത്രിയത്തെ ഹനിക്കുന്ന തരത്തിലുള്ള ഒരു പരിപാടിയിലും പങ്കെടുക്കെണ്ട എന്നാണു തോന്നുന്നത് . ഇതൊക്കെ മേലുദ്യൊഗസ്തന്മാര്‍ ചിന്തിക്കേണ്ട സങ്ക്തികള്‍ ആണു.
വേണ്ടവര്‍ക്ക് ആകാം
സ്മോള്‍ അടിക്കാന്‍ ഇവ്ടുന്നെ കഴിയൂ ...
സ്വര്‍ഗത്തിലേക്ക് ടിക്കറ്റ്‌ കിട്ടില്ല !
നന്‍മകള്‍ നേരുന്നു
നന്ദന
drinks kazhikkunnavar evideyaanu enthaanu paryunnathennum cheyyunnathennum ennu parayaan engine pattum..thalparyamillathavare atharam paripaadikalil ninnum paramavadhi ozhivakkunnathaanu shari ..
“നമുക്കിതു വേണ്ട”,എന്നാലാ ചീഫ്പാടിയ പാട്ടുണ്ടല്ലോ
‘ഓമലാളെക്കണ്ടൂ ഞാന്‍ നീലരാ....’അതുകേള്‍ക്കാന്‍
മറ്റൊരവസരം ഉണ്ടാവില്ലേ എന്ന നഷ്ടബോധം...
:)
സ്ത്രീകള്‍ ഇരുന്നേ തീരൂ എന്നു പറയുന്നതിലെ യുക്തി മനസ്സിലാവുന്നില്ല...
കുടിക്കുന്നവര്‍ കുടിക്കട്ടെ... ഒരെതിര്‍പ്പും ഇല്ല...
കൂടെയിരിക്കണം എന്നു പറയുന്നതിന്റെ ഗുട്ടന്‍സ് മനസ്സിലാവുന്നില്ല..
(എന്തായാലും എന്റെ തലമുറയിലെ, എനിക്കറിയാവുന്ന ഒരു വിധം എല്ലാ പെണ്‍കുട്ടികളും കുടിക്കുന്നവര്‍ തന്നെയാണു... അപ്പൊ ഇനിയുള്ള തലമുറക്കാര്‍ക്കു പ്രശ്നമില്ലായിരിക്കും)
ഉറപ്പായും ആ ചീഫ് റീജിയണല്‍ മാനേജര്‍ "കഴിക്കുന്ന"കൂട്ടത്തിലായിരിക്കും.അല്ലേ?പറഞ്ഞിട്ടു കാര്യമില്ല രാധേച്ചി, ഇന്ന് ഭൂരിഭാഗം ഒത്തുചേരലുകളിലും ഈ "പരിപാടി"യാണ്‌ മുഖ്യ അജണ്ട.രൂപ 34.13 കോടിയല്ലേ ഈ കഴിഞ്ഞ ഓണക്കാലത്ത് ഒരു തിങ്കളാഴ്ച മാത്രം "ദൈവത്തിന്റെ സ്വന്തം നാട്ടുകാര്‍" കുടിച്ചു തീര്‍‌ത്തത്?(കേരളമാണ് മദ്യ ഉപഭോഗത്തിന്റെ കാര്യത്തില്‍ ഒന്നാമതെന്ന കാര്യം മറക്കേണ്ട)
പിന്നെ ഈ ഒത്തുചേരല്‍ പാര്‍ട്ടിയില്‍ ഭൂരിപക്ഷം ആയ ചേട്ടന്മാരും കരുതിക്കാണും കമ്പനിയുടെ കയ്യില്‍ നിന്നും ഓസിനു കിട്ടുന്നതല്ലേ..പിന്നെന്തിനാ വേണ്ടാന്നു വയ്ക്കുന്നേന്ന്.(അടുത്ത വര്‍ഷം ഇതു ഞങ്ങളുടെ അവകാശമാണെന്നും പറഞ്ഞ് ഇവര്‍ കൊടി പിടിക്കാനും മടിക്കില്ല കേട്ടോ)കഴിക്കുന്നവര്‍ കഴിച്ചോട്ടെ പക്ഷെ "ഞങ്ങള്‍ രണ്ട് അടിക്കുന്നതു വരെ നിങ്ങളെല്ലാവരും ഇവിടെ ഇരുന്നേ പറ്റൂ"-അതു ശരിയല്ല..തീര്‍ച്ചയായും ശരിയല്ല.
ഒ.ടോ: ഈ പറയുന്ന ഞാനും ഇതിന്റെ പല രുചി/നിറ വെത്യാസങ്ങളെല്ലാം എന്റെ കോളേജ് കാലത്ത് പരീക്ഷിച്ചു നോക്കിയിട്ടുണ്ട്.ഈ "വെള്ളം"എന്താണെന്നറിയണമല്ലോ?(വീട്ടുകാര്‍ അറിയാതെയായിരുന്നു അതെല്ലാം, ഇതാ ഇപ്പോള് ബൂലോകരെല്ലാമറിഞ്ഞു)കുറച്ചു കിറുങ്ങി നടക്കാമെന്നല്ലാതെ പ്രത്യേകിച്ചൊരു സുഖവും എനിക്കു തോന്നിയിട്ടില്ല!കോളേജ് പരീക്ഷണങ്ങള്‍ക്ക് ശേഷം ഞാനതു കഴിച്ചിട്ടില്ല - ഇനി കഴിക്കേമില്ല.
"വെള്ളമടിക്കാത്ത നീയൊക്കേ എന്തിനാടാ ആണാണെന്നു പറയുന്നേ?" എന്നു ചോദിക്കുന്ന "കുടിയന്മാരേയും", "ഒരു ബീറു പോലും കഴിക്കില്ലേ?കഷ്ടം!" എന്നു പറയുന്ന പെണ്‍കുട്ടികളേയും കാണേണ്ടി വരുന്നു എന്നതു മാത്രമാണു സങ്കടം.
ഛെ...മോശം..!!
വെറുതെ ഇരുന്നാൽ മതിയെന്നോ..പോരാ പോരാ..വന്നിട്ടുള്ള എല്ലാ സ്ത്രീകളും മിനിമം ഒരൊന്നരയെങ്കിലും വിടണം എന്നാക്കാമായിരുന്നു...
പേടിക്കേണ്ട സമയം വരും ! ഒരു ഇരുപത് കൊല്ലം മുൻപായിരുന്നു ഇത്തരമൊരു മീറ്റിങ്ങെങ്കിൽ പാർട്ടിക്ക് കള്ളേ കാണില്ലായിരുന്നു ..പത്തുകൊല്ലം മുൻപാണെങ്കിൽ കുടിപ്പാർട്ടികളിൽ സ്ത്രീകളും !!
ഇന്നിപ്പോൾ പെണ്ണുങ്ങൾക്ക് ആദ്യറൌണ്ടിലിടം കിട്ടിയിട്ടുണ്ട്..നാളെ ഇമ്മാതിരി മീറ്റിംഗുകളിൽ പെണ്ണുങ്ങൾക്കും ആദ്യറഔണ്ടിൽ രണ്ടു പെഗ് നിർബന്ധമാവും !!
ഈ നിലക്കു പോയാൽ അടിച്ചു കോണം തെറ്റിയ(അടിച്ചു പൂക്കുറ്റിയാവുന്നതിനു ഞങ്ങളുടെ നാട്ടിലെ സ്ഥിരം നാടൻ പ്രയോഗമാണു ‘കോണം തെറ്റൽ’) മഹിളാമണികൽ ഭരണിപ്പാട്ടു പാടി പാർട്ടികൾ കൊഴുപ്പിക്കുന്ന മലയാളപ്പാർട്ടികളും വിദൂരമല്ല സുഹൃത്തുക്കളേ..കാലം പോകുന്നൊരു പോക്കേ..!!
സ്ത്രീകള്‍ രണ്ടു റൌണ്ട്സ് ഇരുന്നേ തീരൂ എന്നു പറയുന്നത് മനസ്സിലാവുന്നില്ല...
clints നെ pitch ചെയ്‌താല്‍ നമ്മുടെ ഓഫീസി ലെ staf മീറ്റിങ്ങും ഏതെങ്കിലും ഹോട്ടെ ലിലായിരിക്കും ഉണ്ടാകുകാ, മിക്കവാറും buffet സിസ്റ്റം, എന്നാലും നിങ്ങളുടെ ചീഫ് റീജിയണല്‍ മാനേജര്‍ പറയുന്നപോലെ രണ്ടു റൌണ്ട്സ് കുറച്ചു കൂടിപ്പോയി, party സ്റ്റാര്‍ട്ട്‌ ചെയ്‌താല്‍ ladies നു ഡിന്നര്‍ കഴിക്കാം. അത് മര്യാദ നമ്മുടെ കമ്പനിയിലങ്ങിനെയാ ബ്രിട്ടീഷ്‌കാരാണ് അവര്‍ നിര്‍ബന്ധിക്കാറില്ല.
ചിലപ്പോള്‍ നിങ്ങളുടെ ചീഫ് റീജിയണല്‍ മാനേജര്‍‌ക്ക് സ്വന്തം വീട്ടില്‍ ഭാര്യയുടെ മുന്നില്‍ ഈ പരിപാടി നടക്കുന്നുണ്ടാകില്ല അതായിരിക്കും നിങ്ങളുടെ മുന്നില്‍, എവിടെയെങ്കിലും ജയിക്കാനായിരിക്കും.
ഓമലാളെക്കണ്ടൂ ഞാന്‍ നീലരാ....
സ്തീകളെ ഇരുത്തണ്ട എന്നെന്റെ അഭിപ്രായം. പക്ഷേ നമുക്കിതൊക്കെ നിര്‍ത്താന്‍ പറ്റുമോ..
@കിനാവള്ളി :) ആദ്യമായിട്ട് ഈ ബ്ലോഗില്‍ വന്നു ആദ്യം കമന്റ്‌ ഇട്ടതിനു നന്ദി!! എന്റെ അഭിപ്രായത്തിനോട് താങ്കളും യോജിക്കുന്നു എന്നറിഞ്ഞതില്‍ സന്തോഷം.
@നന്ദന :) ഇവിടെ വേണ്ടാന്നു പറഞ്ഞില്ലെല്ലോ...മറ്റുള്ളവര്‍ക്ക് ബുധിമുട്ടുണ്ടാക്കണോ എന്നേ സംശയമുള്ളൂ.. നന്മകള്‍ക്ക് നന്ദി..ഇനിയും വരുമല്ലോ.
@നിറങ്ങള്‍ :) അതെ, ഇഷ്ടമുള്ളവര്‍ പങ്കെടുക്കക. അല്ലാത്തവര്‍ക്ക് ഒഴിയാമല്ലോ. അസുഖകരമായ സാഹചര്യം ഒഴിവാക്കാമായിരുന്നു.
@നുറുങ്ങു :) ചീഫ് ന്റെ ഓമലാളെ യും ഡ്രിങ്ക്സ് രണ്ടും കൂടി ആയപ്പോഴാ ഞങ്ങളുടെ അരക്ഷിതബോധം കൂടിയത്.. :)
@sands :) അത്രേ ഉള്ളു. സ്ത്രീകളെ ഒഴിവാക്കാമായിരുന്നു. ഇതിനു മുന്‍പിലെ മീടിങ്ങുകളില്‍ ഈ കലാപരിപാടി ഇല്ലാതിരുന്നിട്ടും ഒരു കുഴപ്പവും ഉണ്ടായിരുന്നില്ല. ഈശ്വരാ..ആണ്‍കുട്ടികള്‍ കുടിക്കുന്നതിന്റെ കൂടെ പെണ്‍കുട്ടികള്‍ കൂടെ കൂടിയാല്‍...?.
@പ്രശാന്ത് :) അനിയന് പറഞ്ഞത് വളരെ ശരി തന്നെയാ. എന്റെ വീട്ടില്‍ എന്റെ അപ്പച്ചന്‍ കുടിക്കുന്ന ആള്‍ ആയിരുന്നു. എല്ലാ ക്രിസ്മസ്സിനും ഈസ്റെരിനും ഞങ്ങള്‍ മക്കള്‍ എല്ലാവര്ക്കും ഹോട്ട് ഡ്രിങ്ക്സ് അല്പം ഒഴിച്ച് തരുമായിരുന്നു!! അങ്ങനെ ഇതിന്റെ സ്വാദ് അല്ലെങ്കില്‍ കയ്പ്പ് എന്താന്നു എനിക്കും ചെറുപ്പത്തില്‍ തന്നെ അറിയാം.എങ്കില്‍ പോലും ഈ ഒരു സംസ്കാരം വേണ്ട എന്ന് തന്നെ ഞാന്‍ കരുതുന്നു.
@VEERU :) അതെ, അങ്ങനെ ഒരു കാലം വന്നാല്‍ ഇതും ഇതിലപ്പുറവും സംഭവിക്കും.!! എന്തായാലും ഞങ്ങളോട് ആരോടും ഇതൊന്നും കഴിച്ചു നോക്കാന്‍ പറഞ്ഞില്ല. അത്രയും ഭാഗ്യം!
@പ്രേം :) ചീഫ് ന്റെ ഓമലാള്‍ ആരാണെന്ന് ഞങ്ങള്‍ക്ക് മനസ്സിലായില്ല. അതും ഡ്രിങ്ക്സ് ഉം ആയിട്ട് കൂടി കുഴഞ്ഞപ്പോ എന്തോ ഒരു സുഖക്കുറവ് തോന്നി. അദ്ദേഹം ഇപ്പോള് മുംബൈ ചാര്‍ജ് ആയി. ഞങ്ങളുടെ മാര്‍ക്കറ്റിംഗ് മീറ്റിംഗില്‍ ഇതൊക്കെ സ്ഥിരം പതിവാ. പക്ഷെ അതില്‍ പെണ്ണുങ്ങള്‍ ഇല്ല.
@കുമാരന്‍ :) അതെ, അത്രയും മതി. നമുക്കിത് മാറ്റാന്‍ പറ്റില്ല. പക്ഷെ പങ്കെടുക്കാതെ ഇരിക്കാമല്ലോ.
കുടിക്കുന്നവര്‍ കുടിക്കട്ടെ... ഒരെതിര്‍പ്പും ഇല്ല...
കൂടെയിരിക്കണം എന്നു പറയുന്നതിന്റെ ഗുട്ടന്‍സ് മനസ്സിലാവുന്നില്ല
കമ്പനി മീറ്റിംഗ്സില്‍ ഡ്രിങ്ക്സ് ആവശ്യമില്ല എന്നാണ് തോന്നുന്നത്...
പക്ഷെ, ഇതിപ്പോ ഒരു അത്യാവശ്യം ( ? ) / സ്റ്റാറ്റസ് സിംബല്‍ ആയിരിക്കുന്നത് കൊണ്ട്, സ്വിച്ച് ഇട്ട പോലെ നിര്‍ത്താനും പറ്റില്ല...അതുകൊണ്ട്, വേണ്ടവര്‍ക്ക് കഴിക്കാനും, വേണ്ടാത്തവര്‍ക്ക് ഒഴിഞ്ഞു നില്‍ക്കാനും പറ്റുന്ന തരത്തില്‍ കാര്യങ്ങള്‍ അറേഞ്ച് ചെയ്യുന്നതാവും നല്ലത്...
എന്ത് മര്യാദയുടെ പേരില്‍ ആയാലും, താല്പര്യം ഇല്ലാത്തവരെ നിര്‍ബന്ധിച്ചു കൂടെയിരുത്താന്‍ ആര്‍ക്കും അധികാരം ഇല്ല...
ഇനി, കുടിക്കാന്‍ വിരോധം ഇല്ലാത്ത സ്ത്രീകള്‍ ഉണ്ടെങ്കില്‍ അങ്ങനെയും ആകാം.അത് അവരുടെ സ്വാതന്ത്ര്യം..
പിന്നെ ഡ്രിങ്ക്സ് കഴിച്ചിട്ട് പരിധി വിടുന്നവരെ ( അങ്ങനെ സംഭവിച്ചാല്‍ ) നിയന്ത്രിക്കാന്‍ പറ്റുന്ന ആരെങ്കിലും ഉണ്ടെങ്കില്‍ നന്നായിരുന്നു...
ഈ സംസ്കാരം വേണ്ടേ വേണ്ടാ
പുര്‍ഷന്മാരിലും കുടിക്കാത്തവര്‍ ഉണ്ട്
പല പാര്‍ട്ടികളിലും കുടിയന്മാരുടെ കൂടെ ഇരികേണ്ടി വരാറുണ്ട്
ഇതില്‍ ആകെ ഉള്ള ലാഭം ഇഷ്ട്ടംപോലെ പരദൂഷണം കേള്‍ക്കാം
ഇത് ഒഴിവാക്കേണ്ടതാണ്. അല്ലെങ്കില്‍ മുന്‍കൂട്ടി അറിയിക്കണം. താല്‍പര്യമില്ലാത്തവര്‍ക്ക്‌ ഒഴിഞ്ഞ്‌ നില്‍ക്കാനുള്ള അനുവാദം വേണം. പക്ഷെ വീട്ടീല്‍ പറയാഞ്ഞത്‌ ശരിയായില്ല.
ഇത് ഒഴിവാക്കേണ്ടതാണ്. അല്ലെങ്കില്‍ മുന്‍കൂട്ടി അറിയിക്കണം. താല്‍പര്യമില്ലാത്തവര്‍ക്ക്‌ ഒഴിഞ്ഞ്‌ നില്‍ക്കാനുള്ള അനുവാദം വേണം. പക്ഷെ വീട്ടീല്‍ പറയാഞ്ഞത്‌ ശരിയായില്ല.
It has become a dirty status symbol now..Most of my friends(girls) from North India, drink regularly...
Kerala, I believe has not gone that level yet....
ഇതിനൊക്കെ നമ്മൾ തുടക്കമിടാൻ തുടങ്ങിയ്രിക്കുന്നു. കേരളത്തിലെ സ്ത്രീകൾക്കായുള്ള പ്രത്യേക ‘സാധനം’ഉണ്ടാക്കാനുള്ള തയ്യാറെടുപ്പ് ആരംഭിച്ചതായി കേട്ടിരുന്നു.
തീർച്ചയായും എതിർക്കപ്പെടേണ്ടത് തന്നെ.
ആത്മസംതൃപ്തി അണഞ്ഞുകാണണം അദ്ദേഹം, ഭാര്യയുടെ മുന്നില്‍ മദ്യപിക്കാന്‍ കഴിഞ്ഞില്ല. ഓമലാള്‍ .. തുടങ്ങുമ്പോള്‍ നിര്‍ത്താനും പറഞ്ഞുകാണണം, നിങ്ങളുടെ മുന്നില്‍ ഗാനാലാപനവും, മദ്യസേവയും പൂര്‍ത്തീകരിച്ചു, ഒരുവെടിക്കു രണ്ടുപക്ഷികള്‍ അല്ലേ ...ഹ ഹാ
... ഇപ്പോളാരായിരിക്കും ഓമലാള്‍ ഒന്നൂഹിച്ചേ .... ഞാനിപ്പോ വരാം ...
തീര്‍ച്ചയായും വേണ്ട. താല്പര്യമുള്ളവര്‍ (അങ്ങനെ ആരെങ്കിലും ഉണ്ടെങ്കില്‍) ഇരിക്കട്ടെ, അല്ലാത്തവര്‍ ഇരിക്കാന്‍ നിര്‍ബന്ധിതരാവുന്നു എന്നതു് കഷ്ടമാണു്.
വേണ്ടാ ....എന്നുമാത്രമല്ലാ .........ഇതൊരു മൂല്യ ചുതി യുടെ ലക്ഷണവുമാണ് ഇവരുടെ പഞ്ചാരയില്‍ മുങ്ങി അല്പം കഴിച്ചാല്‍ ..........ആ പെണ്ണ് ഒരുംപെട്ടവളായി
drinks kazhikkunnathu thikachum vyakthiparam vendavarkku aakam (enikkariyaavunna oru paadu ladies kazhikkunnavaranu) pinne ithu kazhikkunnathu kandu ennu karuthi onum smabhavikkilla ningal filmil drinks kazhikkunathum mattum kaanumbol ezhunnetu pokumo y???????? they are enjoying watch them or dnt mind who cares?????/
നമ്മുടെ കൊച്ചു കേരളവും കോർപരേറ്റ്‌ സംസ്കാരത്തിലേക്കു നീങ്ങുന്നതിന്റെ സുചനകളാണിതു! പക്ഷെ ആവശ്യമില്ലാത്തവരെ എന്തിനാണു നിർബന്ധിക്കുന്നതു എന്നു മനസ്സിലാവുന്നില്ല!
കുടിക്കുന്നവര്‍ കുടിക്കട്ടെ... പക്ഷേ കുടിക്കാത്തവരെ എന്തിന്‌ ബുദ്ധിമുട്ടിക്കുന്നു? കുടി തുടങ്ങുന്നതിന്‌ മുമ്പായി പ്രധാന അജണ്ടകളെല്ലാം തീര്‍ത്ത്‌ മീറ്റിംഗ് അവസാനിപ്പിക്കുകയാണ്‌ നല്ലത്. കുടിക്കേണ്ടവര്‍ക്ക്‌ തുടരുകയും ചെയ്യാം.
http://thrissurviseshangal.blogspot.com/
എല്ലാം ഈ പടിഞ്ഞാറൻ രാജ്യങ്ങളെ അനുകരിക്കലല്ലെ ഇപ്പോൾ..
സ്വയമൊരു വ്യക്തിത്വവികസനത്തിനും,മറ്റുള്ളവരിൽ മദ്യത്തിന്റെ ഗുണദോഷങ്ങൾ വരുത്തുന്ന മാറ്റങ്ങൾ നേരിട്ടറിയുന്നതിനും,എങ്ങാനും മറുദേശങ്ങളിൽ പോയാൽ പങ്കെടൂക്കേണ്ട ഇത്തരം വിരുന്നുകളെകുറിച്ച് മുങ്കൂട്ടിയറിയുന്നതിനുമൊക്കെയുള്ള വേദികളാണ് കേട്ടൊ ഇത്തരം മീറ്റിങ്ങ് വിരുന്നുത്സവങ്ങൾ...
samsakaram, nammal eppol enthinum ethinum videsikale anukarikkukayalle? nale oru pakshe, nammal pangalikale vechu maranum madikkilla...ethonnum venda enna enteyum abhiprayam..pinne, veetil parayaththa karyangal blogil ittall...ohhh hus evidekkuu thirinju nokkilayirikkum alle?
pinne, enneyum vayikku..puthiy apost undu
http://manorajkr.blogspot.com/2009/12/blog-post_06.html
നമ്മുടെ സംസ്കാരത്തിന് ചേരുന്നതല്ല ഇതെങ്കിലും ഇപ്പോള് നമ്മുടെ നാട്ടിലും ഇത് പതിവായിത്തുടങ്ങി. എങ്കിലും ചുരുങ്ങിയ പക്ഷം സ്ത്രീകളെ എങ്കിലും ഇത്തരം സദസ്സില്‍ നിന്ന് ഒഴിവാക്കാമായിരുന്നു.
വേണ്ട എന്ന് പറയാന്‍ നമ്മളാരാ !
വേണ്ടാത്തവരെ ശല്യം ചെയ്യരുത്
എഴുത്ത് തുടരട്ടെ
നന്‍മകള്‍
നിര്‍ബന്ധിച്ചത് ശരിയായില്ല...
@lekshmi :) ഇതിലെ വന്നതില്‍ സന്തോഷം. കൂടെ ഇരുന്നലല്ലേ കണ്ടു പഠിക്കാന്‍ പറ്റൂ? കോര്‍പ്പറേറ്റ് സംസ്കാരം പിന്നെ എങ്ങനാ പഠിക്കാനാ?
@Raji :) ഡ്രിങ്ക്സ് കഴിക്കുന്നത് തന്നെ നിയന്ത്രണം വിടാന്‍ അല്ലെ? വല്ലപ്പോഴുമൊക്കെ നിയന്ത്രണം വിട്ടോട്ടെ. ല്ലേ? അത് പക്ഷെ നമ്മളെ കാണിക്കണ്ടാന്നെ ഉള്ളു.
@ramanika :) ഞങ്ങളുടെ മാര്‍ക്കറ്റിംഗ് മീടിങ്ങുകളില്‍ ഇത് പതിവാണ്. അന്ന് പറഞ്ഞ പരദൂഷണങ്ങള്‍ പലര്‍ക്കും പിന്നീട് പാര ആയ സംഭവങ്ങളും നിരവധി.
@രാമു :) താങ്കള്‍ക്കും ഇത് ഒഴിവാക്കേണ്ടതാണ് എന്ന അഭിപ്രായമാണ് എന്നറിഞ്ഞതില്‍ സന്തോഷം. വീട്ടില്‍ എല്ലാ കാര്യങ്ങളും പറയാന്‍ പറ്റില്ല അനിയാ..കാരണം വീട്ടില്‍ ഇരിക്കുന്നവര്‍ക്ക് നമ്മളുടെ മനസ്സ് പോലും വിഷമിക്കുന്നത് ഇഷ്ടമല്ല. തിരിച്ചു പ്രതികരിച്ചേ അവര്‍ അടങ്ങൂ. വെറുതെ എന്തിനു എല്ലാവരുടെയും മനസ്സമാധാനം കളയണം?
ഇതിലെ ആദ്യം വന്നതല്ലേ..സ്വാഗതം.
@Diya :) ഈ കണക്കിന് പോയാല്‍ വലിയ താമസമില്ലാതെ ഇവിടെയും ദിയക്ക്‌ കാണാം നോര്‍ത്ത് ഇന്ത്യന്‍ ഫ്രിണ്ട്സ് നെ പോലെ ചിലരെയും.. സ്വാഗതം ട്ടോ. ഇനിയും വരണം.
@OAB :) ഹ ഹ . ഓഹോ, കേരളത്തിലെ സ്ത്രീകള്‍ക്ക് വേണ്ടി പ്രത്യേകം ഉണ്ടാക്കുന്നെന്നോ . ഹേ, പറ്റില്ല..ഞങ്ങള്‍ക്കും പുരുഷന്മാര്‍ കഴിക്കുന്നത് തന്നെ വേണം..സമത്വം വേണ്ടേ? യേത്? :)
@പ്രേം :) ഹി ഹി. കുറ്റം പറയരുതല്ലോ. 'ഓമലാള്‍' അസ്സലായിട്ട്‌ പാടി. പാട്ട് പാടിയതില്‍ ഞങ്ങള്‍ക്ക് ഒരു വിരോധവും തോന്നിയില്ല. മറിച്ചു അദ്ധേഹത്തിന്റെ തൊലിക്കട്ടി ഇത്രക്കും ഉണ്ടെന്നു അറിയാന്‍ പറ്റി.
പിന്നെ, അനിയാ, എന്തിനാ നമ്മള്‍ വെറുതെ വേണ്ടാത്തതൊക്കെ ഊഹിക്കാന്‍ പോണത്? ഉള്ള മനസ്സമാധാനം കളയണോ?
@Typist :) അതെ, നിര്‍ബന്ധപൂര്‍വം ഇരുത്തിയതിലെ ഞാനും തെറ്റ് കാണുന്നുള്ളൂ. ഇത്തവണത്തെ മീറ്റിംഗ് depression എന്ന റീസണ്‍ ഒക്കെ പറഞ്ഞു കൊച്ചിയില്‍ തന്നെ ആണ് നടത്തിയത്. ബ്ലോഗില്‍ പറഞ്ഞത് പോലുള്ള കലാപരിപാടി വൈകിട്ട് ആറിനു തുടങ്ങും എന്ന അറിയിപ്പുണ്ടായിരുന്നു. ഞങ്ങളൊക്കെ സ്വസ്ഥമായിട്ട് വീട്ടിലേക്കു പോയി . ഗെറ്റ് ടോ ഗെതെര്‍ നു സ്ത്രീകള്‍ ആരും തന്നെ നിന്നില്ല. നൈറ്റ്‌ സ്റ്റേ ഉണ്ടായിരുന്ന ladies ഷോപ്പിങ്ങിനും പോയി. പിന്നെ അവിടെ എന്ത് നടന്നാലും നമ്മള്‍ക്ക് പ്രതിഷേധം ഇല്ല ട്ടോ.
@റഷീദ് :) ഇതിലെ ആദ്യം വരുവല്ലേ? സ്വാഗതം. ആര് ഇവരുടെ പഞ്ചാരയില്‍ വീഴാന്‍? ഞങ്ങളോട് ആരും കഴിക്കാന്‍ പറഞ്ഞില്ലാട്ടോ. ആര്‍ക്കെങ്കിലും കഴിക്കണം എന്നുണ്ടെങ്കില്‍ അവര്‍ തരും. പക്ഷെ അവര്‍ കഴിക്കുന്നത് കാണാന്‍ ഇരുത്തരുത് എന്ന മര്യാദ അവര്‍ പാലിച്ചില്ല.
@shivaram :) അങ്ങനെ അല്ല അനിയാ. സിനിമയിലോ tv യിലോ ഡ്രിങ്ക്സ് കഴിക്കുന്നത് നമ്മള്‍ കാണുക മാത്രമല്ലെ ചെയ്യുന്നുള്ളൂ? it gives only a visual enjoyment to us. പക്ഷെ, ഒരുമിച്ചിരുന്നു മദ്യപിക്കുമ്പോള്‍ ഇവരില്‍ ആര്‍ക്കൊക്കെ എത്ര കണ്ട്രോള്‍ ഉണ്ടെന്നു നമുക്ക് അറിയില്ലെല്ലോ? ആര്കെങ്കിലും ഒന്ന് തൊടാനും, തലോടാനും, ദ്വയാര്‍ത്ഥ പ്രയോഗങ്ങള്‍ നടത്താനും തോന്നിയാല്‍...? എന്തിനു ചുമ്മാ ഒരു ഭാഗ്യ പരീക്ഷണം? സിനിമയിലെ കഥാപാത്രം നമ്മളെ ഉപദ്രവിക്കാന്‍ വരില്ലെല്ലോ? അത് കൊണ്ട് തന്നെ അപരിചിതമായ ചുറ്റുപാടില്‍ നല്ല അടുപ്പവും പരിചയവും ഇല്ലാത്ത പുരുഷന്മാര്‍ മദ്യപിക്കുന്നത് കാണുമ്പോള്‍ സ്ത്രീക്ക് മാറി നിന്ന് അത് എന്ജോയ്‌ ചെയ്യാന്‍ പറ്റില്ല. we feel insecured . അനിയന് മനസ്സിലായി കാണും എന്ന് കരുതുന്നു.
@മഹി :) അതെ, അതെ, ഇതൊക്കെ തന്നെ കോര്‍പ്പറേറ്റ് സംസ്കാരത്തിന്റെ ചില പരിഷ്കാരങ്ങള്‍ ആണ്. ഇങ്ങനെ ഒക്കെ ആയാലെ നാളെ നമ്മള്‍ promotion ഒക്കെ കിട്ടി ഒരു ഡിവിഷന്‍ ന്റെ ചാര്‍ജ് എടുക്കുമ്പോള്‍ ഇപ്പോഴേ പഠിച്ചു വെക്കേണ്ടേ? സ്ത്രീ ആയതു കൊണ്ട് ഇതൊക്കെ പാടില്ല എന്ന് വയ്യല്ലോ.
@വിനുവേട്ടന്‍ :) ഇത്തവണത്തെ മീറ്റിംഗ് അങ്ങനെ തന്നെ ആയിരുന്നു. മെയിന്‍ സംഭവങ്ങള്‍ എല്ലാം കഴിഞ്ഞപ്പോള്‍ ഇന്ന ഹോട്ടലില്‍ ഇത്ര മണിക്ക് ഈ കലാപരിപാടി ഉണ്ടെന്ന അറിയിപ്പ് വന്നു. ഞങ്ങള്‍ സ്ത്രീകള്‍ ഒക്കെ സ്വസ്ഥമായിട്ട് കൂടൊഴിഞ്ഞു. ഇനി ഒരു വിശേഷം കേള്‍ക്കണോ? ഞങ്ങളുടെ ഒപ്പം ഈ പരിപാടിക്ക് ഞങ്ങള്‍ നില്‍ക്കുന്നില്ല എന്ന് പറഞ്ഞു ഒഴിഞ്ഞു മാറിയ പുരുഷന്മാര്‍ ചിലരും ഉണ്ടായിരുന്നു.!!
@bilathipattanam :) താങ്കള്‍ പറഞ്ഞത് അത്രയും ശരി. മറു നാട്ടില്‍ പോവേണ്ടി വന്നാല്‍ മാത്രമല്ല, കമ്പനിയുടെ ഉയര്‍ന്ന പോസ്റ്റിലേക്ക് വന്നാല്‍ ഞങ്ങള്‍ക്ക് മറ്റു സ്ഥലങ്ങളിലേക്ക് മാറി താമസിക്കേണ്ടി വരും. അപ്പൊ ചിലപ്പോ അവിടെ ഒക്കെ ഇത് സര്‍വസാധാരണം ആയിരിക്കും. ഒരു മുന്‍ പരിചയം എന്ന നിലയിലാവാം അജണ്ടയില്‍ ഇതും പെടുത്തിയത്. ഇപ്പോഴേ കണ്ടു പരിചയിച്ചാല്‍....കാലം മാറുന്നു..!!
@മനോ :) അദ്ദേഹം ഈ ബ്ലോഗില്‍ നിന്നും വായിച്ചു കാര്യങ്ങള്‍ അറിഞ്ഞാലും പ്രശ്നങ്ങള്‍ ഒന്നും തന്നെ ഇല്ല. പിന്നെ സ്വന്തമായിട്ട് ഒരു ബ്ലോഗ്‌ ഉണ്ടാക്കിയത് തന്നെ മറ്റെവിടെയും സ്വതന്ത്രമായിട്ട് പറയാന്‍ പറ്റാത്ത കാര്യങ്ങള്‍ ഇടാന്‍ തന്നെ ആണ്. അടുത്തിടെ ആയിട്ട് നല്ല ജോലി തിരക്ക് ഉണ്ട്. ആരുടേയും തന്നെ ബ്ലോഗ്‌ വായിക്കാന്‍ പറ്റിയിട്ടില്ല. തീര്‍ച്ചയായും വരാം. സമയം ഉണ്ടാക്കുന്നുണ്ട് ട്ടോ.
@ശ്രീ :) അതെ, അനിയാ, നമ്മളൊക്കെ അല്പ സ്വല്പം ഒക്കെ മാറേണ്ടി വന്നിരിക്കുന്നു. ഇനി ഇപ്പൊ അടുത്ത മീറ്റിംഗില്‍ ഇത് കണ്ടാലും പരിചയ കുറവ് ഇന്ടാവില്ലെല്ലോ. എങ്കിലും കഴിവതും പഴയ മൂല്യങ്ങള്‍ കൈ വിടാതെ ഇരിക്കാന്‍ ശ്രമിക്കണം. സ്ത്രീ വേണം ഇതിനു നിയന്ത്രണം ഇടാന്‍. എത്ര സാധിക്കും എന്നറിയില്ല.
@ഈ.കെ.എം :) സ്വാഗതം.ആദ്യമായിട്ടാണല്ലോ ഇതിലെ. അതെ, വേണ്ടവര്‍ക്ക് ആകാം. നമ്മളെ നിര്‍ബന്ധിക്കരുത്. വഴങ്ങി പോവും!! ഹ ഹ.
@കണ്ണനുണ്ണി :) അതെ, അത് മാത്രമേ ശരി കേടായിട്ട്‌ ഉള്ളു. ആര്‍ക്കും എന്തും ആകാം. മറ്റുള്ളവരെ കൂടെ ഇരുത്തരുത് എന്നെ ഉള്ളു.
എനിക്കിതിൽ പ്രത്യേകിച്ചു ഒരു തെറ്റും തോന്നിയില്ലാ പാർട്ടിയാവുമ്പോൾ പാർട്ടിപോലെ തന്നെയായിരിക്കണം കുടുംബവീട്ടിൽ കാണാറുള്ള സദ്യപോലെയാവുബോൾ എന്തു രസം. പുരുഷന്മാർ മദ്യം കഴിക്കുന്നിടത്തു നിന്നു ഓടി പോവുക എന്നുള്ളത്‌ പഴയ ഫാഷനാണു.. പക്ഷെ മദ്യം കഴിക്കുന്ന പുരുഷന്മാർ മാന്യത വിട്ടു പെരുമാറുന്നെങ്കിൽ യോജിക്കാനാവില്ലാ....
Venamenkilum vendenkilum nammal ippol ingineyanu chechy....!
Manoharam, Ashamsakal...!!!
ഇത്തരം സമയങ്ങളിൽ ആവശ്യമുള്ളവർക്കാകാം അല്ലാത്തവർക്കു പോകാം എന്നു പറയുന്നതാണുത്തമം..
പിന്നെ, രണ്ടു റൌണ്ട് കഴിയുന്നതു വരെ സ്ത്രീകളിലിരിക്കണമെന്നു പറയുന്നതിലെ ഉദ്ദേശ ശുദ്ധി സംശയാസ്പതം...?!!
ഒരു പക്ഷെ, നിങ്ങളെയൊക്കെ ഒന്നളക്കാനാവും...?!!
ആശംസകൾ..
പുതിയ കാലത്ത് ഒഫീഷ്യല്‍ മീറ്റിങ്ങുകളിലെ ഒഴിച്ചു കൂടാനാവാത്ത ഫാഷനായി മാറി ഡ്രിങ്ക്സും... ഇതിനെതിരെ നമുക്കൊന്നു പ്രതികരിക്കേണ്ടേ.
Kerala Teachers
@വരവൂരാന്‍ :) മദ്യം കഴിക്കുന്നവരുടെ മാന്യത എപ്പോള്‍ പോവും എന്നറിയാതെ എന്തിനാ വെറുതെ നമ്മളെ ബലം പിടിപ്പിച്ചു ഇരുത്തുന്നത്‌? നമ്മുടെ നാട്ടില്‍ ബസില്‍ പോലും ഒരു പുരുഷനെ അടുത്തിരുത്‌മ്പോള്‍ സൂക്ഷിക്കേണ്ടതുണ്ട്. അപ്പോള്‍ പിന്നെ മദ്യം നിറച്ച ഗ്ലാസ്സുമായി അടുത്തിരിക്കുന്ന പുരുഷനെ എങ്ങനെ വിശ്വസിക്കും? എന്ത് ധൈര്യത്തില്‍ കൂടെ ഇരിക്കും?
@സുരേഷ് :) ആശംസകള്‍ക്ക് നന്ദി!! അതെ, നമ്മള്‍ മാറി പോയിരിക്കുന്നു.
@വീ കെ :) അതാവാന്‍ വഴിയില്ല. പുതിയ പുതിയ പാഠങ്ങള്‍ പഠിപ്പിക്കുന്നതാനെന്ന്നു തോന്നുന്നു..
@ഹരി :) ആദ്യമായി ഈ വഴി എത്തിയതിനു നന്ദി. എന്ത് പ്രതികരിക്കാന്‍? മീറ്റിങ്ങിനു പോവണ്ട എന്ന് വെക്കേണ്ടി വരും. ഒരു ബ്ലോഗ്‌ ഉണ്ടായത് കൊണ്ട് ഇവിടെ പങ്കു വെച്ചു. അത്ര തന്നെ.
ഈ സംസ്കാരം വേണ്ടേ വേണ്ടാ...
Post a Comment